2015 جىلعى 27 ناۋرىز, استانا قالاسى
پاللياتيۆتىك كومەكتى جانە مەيىربيكە كۇتىمىن كورسەتۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 53-بابىنىڭ 3-تارماعىنىڭ, 7-بابىنىڭ 1-تارماعىنىڭ 99-تارماقشاسىنا سايكەس, بۇيىرامىن:
1. قوسا بەرىلىپ وتىرعان پاللياتيۆتىك كومەك جانە مەيىربيكە كۇتىمىن كورسەتۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولدانۋىن;
3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت. دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 27 ناۋرىزداعى №168 بۇيرىعىمەن بەكىتىلگەن
پاللياتيۆتىك كومەك جانە مەيىربيكە كۇتىمىن كورسەتۋ قاعيدالارى
1. جالپى ەرەجەلەر
1. وسى پاللياتيۆتىك كومەك جانە مەيىربيكە كۇتىمىن كورسەتۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنىڭ 53-بابىنىڭ 3-تارماعىنا (بۇدان ءارى-كودەكس) سايكەس ازىرلەنگەن جانە مەديتسينالىق ۇيىمداردىڭ پاللياتيۆتىك كومەك جانە مەيىربيكە كۇتىمىن كورسەتۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ەمدەۋگە جاتقىزۋ بيۋروسى پورتالى (بۇدان ءارى – پورتال) – تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە پاتسيەنتتەردى ستاتسيونارعا جوسپارلى تۇردە جاتقىزۋ جولدامالارىن ەلەكتروندىق تىركەۋدىڭ, ەسەپكە الۋدىڭ, پىسىقتاۋدىڭ جانە ساقتاۋدىڭ بىرىڭعاي جۇيەسى;
2) مەيىربيكە كۇتىمى – دەنساۋلىق ساقتاۋ ۇيىمى بەرگەن مەديتسينالىق قورىتىندىمەن راستالعان اۋىر سىرقاتى بار تۇلعالارعا پسيحولوگيالىق جانە الەۋمەتتىك كومەك پەن تۇرمىستىق كۇتىم كورسەتۋ جونىندەگى مەديتسينالىق جانە الەۋمەتتىك قىزمەت باعىتى;
3) پاللياتيۆتىك كومەك – ماقساتى دەنساۋلىق ساقتاۋ ۇيىمى بەرگەن مەديتسينالىق قورىتىندىمەن راستالعان تەرمينالدىق (سوڭعى) ساتىداعى سىرقاتى داۋاسىز پاتسيەنتتەردىڭ ءومىر ءسۇرۋ ساپاسىن جانە جالپى جاعدايىن جاقسارتۋ بولىپ تابىلاتىن مەديتسينالىق جانە الەۋمەتتىك قىزمەت باعىتى;
4) ستاتسيونارلىق كومەك – تاۋلىك بويى مەديتسينالىق باقىلاۋ جاسالىپ, بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەك ۇسىنۋ نىسانى;
5) ستاتسيوناردى الماستىراتىن كومەك – ءبىر كۇننىڭ ىشىندە مەديتسينالىق باقىلاۋ جاسالىپ, دارىگەرگە دەيىنگى, بىلىكتى, مامانداندىرىلعان جانە جوعارى مامانداندىرىلعان مەديتسينالىق كومەك ۇسىنۋ نىسانى;
6) ۇيدەگى حوسپيس – ءبىر كۇن ىشىندە تورتتەن سەگىز ساعاتقا دەيىنگى مۋلتيديتسيپلينارلىق كوماندانىڭ بىلىكتى كومەگى تۇرىندەگى ۇيدە پاللياتيۆتىك كومەك جانە مەيىربيكە كۇتىمىن كورسەتۋ.
7) حوسپيس – سىرقاتى داۋاسىز ناۋقاستارعا جانە ولاردىڭ تۋىستارىنا ستاتسيونار جاعدايىندا (مەديتسينالىق, پسيحولوگيالىق-الەۋمەتتىك جانە رۋحاني) پاللياتيۆتىك كومەك كورسەتەتىن مەديتسينالىق (مەديتسينالىق-الەۋمەتتىك) ۇيىم.
3. پاللياتيۆتىك كومەك جانە مەيىربيكە كۇتىمى دەنساۋلىق ساقتاۋ سالاسىنداعى ۋاكىلەتتى ورگان بەكىتكەن تىزبەگە سايكەس حالىق ساناتتارىنا كورسەتىلەدى;
4. تەگىن مەديتسينالىق كومەكتىڭ كەپىلدىك بەرىلگەن كولەمىنىڭ (بۇدان ءارى – تمككك) تىزبەسىنە كىرمەيتىن پاللياتيۆتىك كومەكتى جانە مەيىربيكە كۇتىمىن كورسەتۋ قىزمەتتەرى كودەكسىنىڭ 7-بابىنىڭ 1-تارماعىنىڭ 87) تارماقشاسىنا سايكەس كورسەتىلەدى.
5. پاللياتيۆتىك كومەك جانە مەيىربيكە كۇتىمى ۇيىمدارىندا ناۋقاستاردى ەمدەۋگە جاتقىزۋ ءۇشىن مىنالار ايعاق بولىپ تابىلادى:
1) ناۋقاستى كەيىننەن امبۋلاتوريالىق جاعدايدا ەمدەۋگە اۋىستىرۋ ءۇشىن قولداۋشى, اۋىرسىندىرمايتىن تەراپيانى تاڭداۋ قاجەتتىلىگى;
2) الەۋمەتتىك-پسيحولوگيالىق مىناداي ايعاقتاردىڭ بولۋى: دەپرەسسيا جاعدايى, رەاكتيۆتى جاعداي نەمەسە وتباسىنداعى داۋ-جانجال جاعدايى, ناۋقاستىڭ كۇتىمى ءۇشىن تۇرمىس جاعدايلارىنىڭ بولماۋى.
6. ناۋقاستارعا پاللياتيۆتىك كومەك جانە مەيىربيكە كۇتىمى ستاتسيونارلىق جانە ستاتسيوناردى الماستىراتىن كومەك نىسانىندا كورسەتىلەدى.
7. پاتسيەنتتى تمككك شەڭبەرىندە ستاتسيونارعا جاتقىزۋ:
1) ستاتسيونارعا ەمدەۋگە جاتقىزۋ كۇنى تۋرالى پاتسيەنتكە نەمەسە ونىڭ زاڭدى وكىلىنە حابارلاي وتىرىپ, پورتال ارقىلى مەديتسينالىق-سانيتاريالىق العاشقى كومەك (بۇدان ءارى - مساك) ماماندارىنىڭ نەمەسە مەديتسينالىق ۇيىمنىڭ بەيىندى مامانىنىڭ جولداماسى بويىنشا جوسپارلى تارتىپپەن;
2) جولدامانىڭ بولۋىنا قاراماستان, شۇعىل ايعاقتارى بويىنشا جۇزەگە اسىرىلادى.
8. پاتسيەنتتى ەمدەۋ كەزىندە:
1) كۇندىزگى ستاتسيوناردا №003-3/ە نىسانى بويىنشا كۇندىزگى ستاتسيونار ناۋقاسىنىڭ كارتاسى تولتىرىلادى, قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2010 جىلعى 23 قاراشاداعى № 907 بۇيرىعىمەن بەكىتىلگەن (بۇدان ءارى - بۇيرىق), (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن).
2) ۇيدەگى ستاتسيوناردا №907 بۇيرىعىمەن بەكىتىلگەن №003-2/ە نىسانى بويىنشا ۇيدەگى ستاتسيونار ناۋقاسىنىڭ كارتاسى تولتىرىلادى
9. پاتسيەنت تۋرالى مالىمەتتەر مىناداي باستاپقى مەديتسينالىق ەسەپكە الۋ قۇجاتتاماسىندا:
1) №907 بەكىتىلگەن بۇيرىعىنا سايكەس №001-1/ە نىسانى بويىنشا كۇندىزگى ستاتسيونار (ەمحانا) ناۋقاستارىن ەسەپكە الۋ جۋرنالىندا;
2) №907 بەكىتىلگەن بۇيرىعىنا سايكەس №001-2/ە نىسانى بويىنشا ۇيدەگى ستاتسيونار ناۋقاستارىن ەسەپكە الۋ جۋرنالىندا تىركەلەدى;
وعان تاۋلىكتىك باقىلاۋ تالاپ ەتىلگەن جانە ۇيدەگى ناۋقاستىڭ جاعدايى ناشارلاعان جاعدايدا تەز ارادا ستاتسيونارعا ەمدەۋگە جاتقىزۋ جۇزەگە اسىرىلادى.
10. پاتسيەنت كەلىپ تۇسكەن كەزدەن باستاپ ەمدەۋدىڭ ۇزاقتىعى: 1) كۇندىزگى ستاتسيوناردا كەمىندە 8 جۇمىس كۇنىن;
2) ۇيدەگى ستاتسيوناردا كەمىندە 8 جۇمىس كۇنىن قۇرايدى.
11. ستاتسيوناردى الماستىراتىن كومەك العان پاتسيەنتتى شىعارۋ كەزىندە كۇندىزگى ستاتسيوناردا جانە ۇيدەگى ستاتسيوناردا ەمدەۋدەن وتكەن پاتسيەنتتىڭ №907 بەكىتىلگەن بۇيرىعىنا سايكەس №066-4/ە نىسانى بويىنشا ستاتيستيكالىق كارتاسى تولتىرىلادى.
12. قاجەتتى ۇسىنىمدارى بار ناۋقاستىڭ مەديتسينالىق كارتاسىنان الىنعان كوشىرمە پاتسيەنتتىڭ نەمەسە ونىڭ زاڭدى وكىلىنىڭ قولىنا بەرىلىپ, قولى قويعىزىلادى جانە بەكىتىلگەن جەرى بويىنشا مساك ۇيىمىنا بەرىلەدى.
2. پاللياتيۆتىك كومەك كورسەتۋ
13. پاللياتيۆتىك كومەك اۋرۋدىڭ تەرمينالدىق (سوڭعى) ساتىسىنداعى سىرقاتى داۋاسىز ناۋقاستارعا مامانداندىرىلعان قۇرىلىمدىق بولىمشەلەردە, دەربەس مەديتسينالىق ۇيىمداردا (حوسپيستاردا) نەمەسە ۇيدەگى ستاتسيونار (ۇيدەگى حوسپيس) نىسانىندا دارىگەردىڭ باسشىلىعىمەن كورسەتىلەدى.
14. پاتسيەنتكە پاللياتيۆتىك كومەك كورسەتىلگەن كەزدە كۇندىزگى ستاتسيونار (ەمحانا) جانە ۇيدەگى حوسپيس دارىگەرى پاتسيەنتتى كۇن سايىن تەكسەرىپ-قاراپ, ەمدەۋگە تۇزەتۋ جۇرگىزەدى.
15. پسيحولوگيالىق جانە مورالدىق قولداۋ تۇرىندەگى پاللياتيۆتىك كومەك ەمدەۋدىڭ باسقا دا تۇرلەرىمەن قاتار كەز كەلگەن سوزىلمالى, ينكۋرابەلدى اۋرۋدىڭ ەرتە ساتىسىندا جۇزەگە اسىرىلۋى مۇمكىن.
3. مەيىربيكە كۇتىمىن كورسەتۋ
16. مەيىربيكە كۇتىمى دارىگەرلىك باقىلاۋدى تالاپ ەتپەيتىن جاعدايلاردا مامانداندىرىلعان قۇرىلىمدىق بولىمشەلەردە, دەربەس مەديتسينالىق ۇيىمداردا (مەيىربيكە كۇتىمى ۇيىمدارىندا) نەمەسە ۇيدەگى ستاتسيونار نىسانىندا جۇزەگە اسىرىلادى جانە اۋىر ناۋقاستارعا جانە ونىڭ تۋىستارىنا الەۋمەتتىك پسيحولوگيالىق كومەك كورسەتۋدى دامىتۋعا جاردەمدەسەدى.
17. پاتسيەنتكە مەيىربيكە كۇتىمىن كورسەتۋ كەزىندە ورتا مەديتسينا قىزمەتكەرى كۇن سايىن كۇتىمدى جۇزەگە اسىرادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10803 بولىپ ەنگىزىلدى.